اسلام آباد(رپورٹنگ آن لائن)سینیٹر عرفان صدیقی نے کہاہے کہ عمران خان کا اپنا بچا کھچا وزن معصوم زندگیوں سے کھیلنے والے دہشتگردوں کے پلڑے میں ڈال دینا قابل مذمت ہے۔
سینیٹر عرفان صدیقی نے جاری بیان میں بانی پی ٹی آئی پر تنقید کرتے ہوئے کہاکہ جعفر ایکسپریس پر حملے اور سیکڑوں مسافروں کے اغوا کی مذمت کے بجائے، عمران خان کا اپنا بچا کھچا وزن، خواتین اور معصوم بچوں کی زندگیوں سے کھیلنے والے دہشت گردوں کے پلڑے میں ڈال دینا نہایت ہی افسوس ناک اور قابل مذمت ہے۔
انہوں نے کہا کہ اْٹھتے بیٹھتے دوسروں کواپنی حدود یاد دلانے والے کی اپنی بھی کچھ حدود ہیں یا نہیں؟۔
