اسلام آ باد (رپورٹنگ آن لائن) پاکستان مسلم لیگ (ن) کی ترجمان مریم اورنگزیب نے کہاہے کہ عمران صاحب معیشت جہانگیر ترین کے منافع اور عامر کیانی کی جائداد کا نام نہیں ہے ۔
معیشت کروڑوں پاکستانیوں کی معاشی حالت کا نام ہے ،جب لوگ بے روزگاری اور بدحالی کی وجہ سے خودکشیاں کر رہے ہوں تو اس سے پہلے کہ وزیراعظم کہے کہ میں کیا کر سکتا ہوں اسے مستفی ہوجانا چاہیے ،ملک کی معیشت ، منصوبوں ، اور ترقی کو تالا لگا کر کرنٹ اکاونٹ ڈیفیسٹ کی بات کرتے ہوئے آپ کو شرم آنی چاہئے۔
عمران خان اور فواد چودھری کے بیان پر ردعمل میں انہوں نے کہا فواد صاحب شو پیس وہ سیلیکٹڈ وزیراعظم ہے جس کو ٹی وی سے روپیہ کی قدر میں تاریخی کمی کا پتہ چلتا ہے شو پیس وہ ہے جس کو آٹا 35 سے 90 روپیہ ہو جانے کا پتہ نہیں چلتا شو پیس وہ ہوتا ہے جس کو چینی 52 سے 120 کلو ہو جانے کا پتہ نہیں چلتا شو پیس وہ ہے جس کو چینی میں 400 ارب کا ڈاکہ ڈل جانے کے بعد پتہ چلتا ہے شو پیس وہ ہے جس کو آٹا میں 250 ارب ڈاکہ ڈل جانے کے بعد پتہ چلتا ہے شو پیس وہ ہوتا ہے جس کو ایل این جی میں 122 ارب کا ڈاکہ ڈل جانے کے بعد پتہ چلتا ہے شو پیس کو پتہ ہی نہیں چلا عوام کا آٹا ، روٹی ، چینی ، دوائی ، روزگار چوری ہو گیا ہائے عوام کی ترجمانی کرتے ہوئے پارٹی کے فیصلے کے مطابق ہماری پارٹی کے قائدین ہی فیصلہ کرتے کوئی امپائیر نہیں کرتا اور نہ کسی امپائیر کی انگلی کا انتظار کرتے ہیںاگر لانگ مارچ اور استعفوں کا ڈس اور خوف نہ ہوتا تو کرائے کے ترجمان صبح دوپہر شام استعفوں اور لانگ مارچ کی راگ نہ الاپ رہے ہوتے۔ اپنی تنخواہوں کی فکر کرائیں کیونکہ چھٹی ہونے والی ہے۔
