لاہور(رپورٹنگ آن لائن)پاکستان مسلم لیگ(ن)کی ترجمان مریم اورنگزیب نے کہا کہ شہباز شریف کو صادق اور امین کا سرٹیفکیٹ سپریم کورٹ ، ہائی کورٹ ، نیشنل کرائم ایجنسی، لندن کورٹ نے سرٹیفیکٹ دیا ہے،عمران صاحب اور ان کی چور کابینہ کی ”ضمانت“ کو تھوڑے دن رہ گئے ہیں ،
ہفتہ کو وفاقی وزیر اطلاعات فواد چوہدری کے بیان پر ردعمل دیتے ہوئے مریم اورنگزیب نے کہا کہ شہباز شریف پہ اب الزام لگا کر عوام کی نظر چوروں اور مافیا کو دئیے ہوئے این آر او سے نہیں ہٹا سکتے ،بیانات اور ٹویٹس کے زرئیے الزامات لگانے کا وقت ختم ہو گیا عمران خان کے پاس جو ثبوت تھے وہ این سے بھیج دئیے تھے جہاں سے زور دار طمانچہ پڑا ہے لندن کورٹ ، سپریم کورٹ ، ہائی کورٹ اور این سی اے کے طماچے کی گونج پوری دنیا نے سنی ہے، انہوں نے کہا کہ عمران صاحب اور ان کی چور کابینہ کی ”ضمانت“کو تھوڑے دن رہ گئے ہیں ،ان چوریوں اور ڈاکوں کی تفصیل عوام کو بتائیں جو عمران صاحب کی سرپرستی میں تین سال سے جاری ہیں،800ارب کی چینی، 600ارب کا آٹا، 122ارب کی ایل این جی، 126ارب کی بی آر ٹی، 500ارب سے زائد ادویات سمیت ہزاروں ارب کی ڈکیتی پر چور عمران صاحب اینڈ مافیا کا یوم حساب قریب ہے،چوروں اور مافیا کو این آر او دے کر عوام کی توجہ ہٹانے کی کوشش نہ کریںبیان، ٹویٹیں، الزام لگانے کا وقت اب ختم ہو گیا ہے، یہ تماشا ختم ہوگیا ہے ،
ٹویٹ کریں اب آٹا چینی بجلی گیس دوائی چوری اور این آر او جو دیا ہے، اس پر تفصیلات عوام کو بتائیںضمانت کے دن تھوڑے رہ گئے ہیں، عمران صاحب، ان کے اے ٹی ایمز اور مافیاز کے اکانٹس کی تفصیل عوام کو دکھائیں عوام کو پتہ چلنا چاہئے کہ تین سال میں عمران صاحب اور ان کے اے ٹی ایمز نے کتنے اکاﺅنٹس بھرے ابھی کچھ سکینڈلز سامنے آئے ہیں، عوام کے سامنے اصل ہوشربا کرپشن کی داستان آنا ابھی باقی ہیں عمران صاحب اور ان کے اے ٹی ایمز کی ہزاروں ارب کے سکینڈل اور کرپشن کی سزا عوام کاٹ رہے ہیں
