لاہور (رپورٹنگ آن لائن) پاکستان مسلم لیگ (ن) کے رہنما ءعطا تارڑ نے کہا ہے کہ ڈیڑھ سال سے منی لانڈرنگ کا کیس چل رہا ہے،وزارت داخلہ نے عدالت میں کوئی ثبوت نہیں دیا۔
ہفتے کو بنکنگ کورٹ لاہورکے باہر مسلم لیگ ن کے رہنما عطا تارڑنے میڈیا سے گفتگو کرتے ہوئے کہا کہ عمران خان کو بیوقوف بنانے والا شخص شہزاد اکبر ہے،قانون کے مطابق ایف آئی اے چودہ دن میں چالان عدالت میں جمع کروانے سے قاصر ہے، ایف آئی اے ہر پیشی پر تین، تین ہفتے کی تاریخ مانگ رہا ہے۔ان کا کہنا تھا کہ ڈیڑھ سال سے تاریخ پہ تاریخ مل رہی ہے۔
عدالت میں ایف آئی اے کاغذ تب پیش کرے جب ان کے پاس کوئی ثبوت ہو،واضح رہے کہ بنکنگ کورٹ لاہور میں منی لانڈرنگ کیس میں شہبازشریف، حمزہ شہباز کی منی لانڈرنگ کیس میں عبوری ضمانت کی درخواستوں پر سماعت ہوئی عدالت کی جانب سے تمام ملزمان کی عبوری ضمانت میں 11دسمبر تک توسیع کی گئی۔
