اسلام آباد(رپورٹنگ آن لائن)پی ٹی آئی رہنما شفقت عباس اعوان نے کہا ہے کہ عمران خان کی بہن علیمہ خان کا اسٹیبلشمنٹ سے کوئی رابطہ نہیں اور نہ ہی وہ تحریک انصاف کی چیئرپرسن بننا چاہتی ہیں۔
نجی ٹی وی کے پروگرام میں گفتگوکوتے ہوئے شفقت عباس اعوان نے کہاکہ اس معاملے میں علی امین گنڈا پور کومس گائیڈ یا گیا ہے اور یہ علی امین گنڈا پور کی ذاتی سوچ ہے، علیمہ خان کا اسٹیبلشمنٹ سے کوئی رابطہ نہیں، وہ قطعاً تحریک انصاف کی چیئرپرسن نہیں بننا چاہتیں۔
انہوں نے کہا کہ اس سے قبل بھی پاکستان تحریک انصاف حکومت میں رہ چکی ہے، کیا اس دوران عمران خان کے خاندان کا کوئی فرد سیاست میں ملوث ہوا؟ حال ہی میں ہمارے ایم این ایز ، سینیٹرز اور، ایم پی ایز کی لسٹیں گئی ہیں لیکن ان فہرستوں میں عمران خان کے کسی فرد کا نام نہیں گیا۔
