لاہور (رپورٹنگ آن لائن) وزیر اطلاعات و ثقافت پنجاب عظمیٰ بخاری نے دی نیوز کے رپورٹر فیضان بنگش کے والد اور ایکسپریس نیوز کے رپورٹر خالد رشید کی والدہ کے انتقال پر گہرے دکھ اور افسوس کا اظہار کیا ہے۔
اپنے تعزیتی پیغام میں عظمیٰ بخاری نے کہا کہ والدین اولاد کے لیے ہر اندھیری رات میں روشنی کا ذریعہ ہوتے ہیں اور ماں باپ کا سایہ سر سے اٹھ جانا ایک ایسا غم ہے جس کا کوئی نعم البدل نہیں ہو سکتا۔ انہوں نے کہا کہ فیضان بنگش کے لیے والد اور خالد رشید کے لیے والدہ کا انتقال بلاشبہ ایک ناقابلِ تلافی نقصان اور گہرا صدمہ ہے۔وزیر اطلاعات و ثقافت پنجاب نے کہا کہ وہ اس دکھ کی گھڑی میں فیضان بنگش، خالد رشید اور ان کے اہلِ خانہ کے غم میں برابر کی شریک ہیں۔
انہوں نے دعا کی کہ اللہ تعالی مرحومین کو اپنی جوارِ رحمت میں اعلی مقام عطا فرمائے اور سوگوار خاندانوں کو یہ صدمہ برداشت کرنے کی توفیق دے۔عظمی بخاری نے کہا کہ صحافتی برادری حکومتِ پنجاب کے لیے قابلِ احترام ہے اور ان کے دکھ درد کو اپنا دکھ سمجھتے ہیں۔
