لاہور (رپورٹنگ آن لائن) لاہور ہائیکورٹ نے وزیر اطلاعات و ثقافت پنجاب عظمیٰ بخاری کی مبینہ نامناسب ویڈیو کیس میں ملزم شفیق کی درخواست ضمانت پر ٹرائل کورٹ سے رپورٹ طلب کرلی ۔چیف جسٹس لاہور ہائیکورٹ عالیہ نیلم نے ملزم محمد شفیق کی درخواست ضمانت پر سماعت کی۔
ملزم کے وکیل نے موقف اختیار کیا کہ ٹرائل میں غیر معمولی تاخیر ہو رہی ہے، اسی بنیاد پر درخواستِ ضمانت دائر کی گئی ہے۔چیف جسٹس عالیہ نیلم نے ریمارکس دیئے کہ ٹرائل کورٹ سے اس حوالے سے رپورٹ طلب کرلیتے ہیں۔عدالت نے ٹرائل سے متعلق تفصیلی رپورٹ طلب کر لی گئی۔کیس رپورٹ موصول ہونے کے بعد سماعت کیلئے مقرر کیا جائے گا ۔
