لاہور (رپورٹنگ آن لائن ) کینٹ کچہری لاہور میں عدالت نے فراڈ کے کیس میں اداکارہ نازش جہانگیر کے ورانٹ گرفتاری 50ہزار روپوں کے مچلکوں کے عوض منسوخ کر دیئے ۔
لاہور کی مقامی عدالت نے 50ہزارمچلکوں کے عوض اداکارہ نازش جہانگیر کے وارنٹ گرفتاری منسوخ کیے۔ عدالتی حکم پر نازش جہانگیر اپنے وکیل کے ہمراہ عدالت کے روبرو پیش ہوئیں۔جوڈیشل مجسٹریٹ غلام شبیر سیال نے استغاثہ کیس کی سماعت کی۔ نازش جہانگیر کے خلاف 25لاکھ، گاڑی واپس نہ کرنے کا استغاثہ دائر ہے۔استغاثہ اداکار ہارون اسود نے کینٹ کچہری میں دائر کر رکھا ہے۔
عدالت نے مزید کارروائی 28 اپریل تک ملتوی کر دی۔واضح رہے کہ جمعہ کے روز 25لاکھ روپے کے فراڈ کے مقدمے میں اداکارہ نازش جہانگیر کے ناقابلِ ضمانت وارنٹ گرفتاری جاری کیے گئے تھے۔لاہورکینٹ کچہری کے جوڈیشل مجسٹریٹ نے اداکارہ کو گرفتار کر کے پیش کرنیکا حکم دیا تھا۔
