لاہور (رپورٹنگ آن لائن) سابق وفاقی وزیر عثمان ڈار نے اپنا نام ایگزٹ کنٹرول لسٹ (ای سی ایل)سے نکلوانے کے لیے لاہور ہائیکورٹ سے رجوع کر لیا۔
جسٹس ساجد محمود سیٹھی نے درخواست پر کارروائی کرتے ہوئے سیکرٹری داخلہ اور ڈی جی ایف آئی اے کو نوٹس جاری کر دیئے اور فریقین سے کل( بدھ ) جواب طلب کر لیا ۔عثمان ڈار کی جانب سے مقف اختیار کیا گیا ہے کہ سال 2024ء میں ان کا نام ایگزٹ کنٹرول لسٹ سے نکالا جا چکا تھا تاہم وفاقی حکومت نے بغیر کوئی مقف سنے دوبارہ ان کا نام ای سی ایل میں شامل کر دیا ہے .
جو قانون اور انصاف کے تقاضوں کے منافی ہے۔درخواست میں استدعا کی گئی ہے کہ عدالت عثمان ڈار کا نام ایگزٹ کنٹرول لسٹ سے نکالنے کا حکم دے۔ عدالت نے معاملے کی سماعت کل(بدھ ) تک ملتوی کر دی ہے۔
