اسلام آباد (ر پورٹنگ آن لائن)وزیر اعظم عمران خان نے احسان مانی کی بطور چیئرمین پاکستان کرکٹ بورڈ کی کارکردگی پر شکریہ ادا کیا۔وزیر اعظم عمران خان نے سماجی رابطے کی ویب سائٹ ٹوئٹر پر لکھا کہ احسان مانی کی تعریف کرتے ہوئے کہا کہ پاکستان میں بین الاقوامی کرکٹ کی واپسی کے لیے احسان مانی کے کردار کو سراہتا ہوں۔انہوں نے کہا کہ احسان مانی نے اپنے 3 سالہ دور میں پہلی بار ریجنل ڈومیسٹک کرکٹ اسٹرکچر کو بہتر کیا۔ احسان مانی کی بطور چیئرمین پی سی بی کارکردگی پر شکریہ ادا کرتا ہوں۔یاد رہے کہ دو روز قبل قومی کرکٹ ٹیم کے سابق کپتان رمیز راجہ نے وزیر اعظم عمران خان سے ہونے والی ملاقات کا احوال بتایا۔ایک انٹرویو میں ان کا کہنا تھا کہ وزیر اعظم عمران خان سے ملاقات میں کرکٹ سے متعلق گفتگو کی اور انہیں کرکٹ کی بہتری کے لیے تجاویز دی تھیں۔نہوں نے بتایا کہ وزیر اعظم عمران خان پاکستان کرکٹ سے متعلق فکر مند ہیں۔یاد رہے کہ چیئرمین پی سی بی احسان مانی نے عہدے میں توسیع لینے سے معذرت کر لی تھی اور پاکستان کرکٹ بورڈ نے فیصلے سے متعلق تصدیق کر دی تھی۔
واضح رہے کہ 2 روز قبل احسان مانی نے وزیر اعظم سے ملاقات میں بورڈ کے معاملات اورمختلف منصوبوں پر بریفنگ دی تھی۔ وزیر اعظم نے احسان مانی کو عہدے میں توسیع کا عندیہ دیا تھا۔کچھ روز پہلے ہی عمران خان کی موجودہ چیئرمین پی سی بی احسان مانی اور سابق کپتان رمیز راجہ سے وزیر اعظم ہاؤس میں علیحدہ علیحدہ ملاقات ہوئی تھی۔
