اسلام آباد(رپورٹنگ آن لائن)وزیراعظم کے مشیر برائے داخلہ و احتساب شہزاد اکبر نے ملک میں پیٹرولیم مصنوعات کی قیمتوں میں اضافے کو عالمی سطح پر تیل کی قیمت میں رد و بدل کے اثرات قرار دیتے ہوئے کہا کہ بین الاقوامی مارکیٹ میں پیٹرولیم مصنوعات کی قیمتیں بڑھ گئی ہیں اور عالمی سطح پرپیٹرولیم مصنوعات کی قیمتیں بڑھنے کے اثرات پاکستان پربھی پڑے ہیں،
ہفتہ کو اسلام آباد میں پریس کانفرنس کرتے ہوئے شہزاد اکبر نے کہا کہ انکوائری کے بعد شوگرانکوائری کمیشن تشکیل دیاگیا اور ماہرین کے ذریعے انکوائریزکی گئیں، شوگر انکوائری کمیشن کے لیے وزیراعظم نے اعلان کیا، انکوائری کمیشن نے انکوائری مکمل کرکے کابینہ کو دی،انہوں نے کہا کہ شوگرانکوائری کمیشن میں بہت سے انکشافات ہوئے اور کمیشن کی رپورٹ کی روشنی میں کارروائیاں کی گئیں،
انکوائری کمیشن کی رپورٹ میں کہا گیا کہ ٹیکس سے بچنے کے لیے چینی بلیک میں فروخت کی جاتی ہے، ابھی کچھ ملز کا آڈٹ مکمل نہیں ہوا،پیٹرولیم مصنوعات کی قیمتوں میں اضافے سے متعلق شہزاد اکبر کا کہنا تھا کہ بین الاقوامی مارکیٹ میں پیٹرولیم مصنوعات کی قیمتیں بڑھ گئی ہیں اور عالمی سطح پرپیٹرولیم مصنوعات کی قیمتیں بڑھنے کے اثرات پاکستان پربھی پڑے ہیں،انہوں نے کہا کہ پورے ملک میں 2000سے زائد غیرقانونی پیٹرول پمپس کوبند کیا گیا۔
