نیویارک(رپورٹنگ آن لائن)اقوام متحدہ میں پاکستان کے مستقل مندوب عاصم افتخار نے کہا ہے کہ عالمی برادری کو فوری طور پر غزہ کی صورتحال پر کردار ادا کرنا ہوگا۔
تفصیلات کے مطابق اسرائیلی حملوں کے بعد غزہ کی بدترین صورتحال پر سلامتی کونسل کا اجلاس ہوا، جس سے پاکستان کے مستقل مندوب عاصم افتخار نے خطاب کرتے ہوئے کہاکہ غزہ میں انسانی امداد کیلئے فوری رسائی دی جائے، فلسطینی قیدیوں کی فوری رہائی عمل میں لائی جائے۔
انہوںنے کہاکہ غزہ میں خوراک اور ادویات کی فراہمی بھی یقینی بنائی جائے۔پاکستانی مندوب نے مطالبہ کیا کہ عالمی برادری غزہ میں اسرائیلی مظالم کا نوٹس لے، غزہ میں فوری اور مستقل جنگ بندی یقینی بنائی جائے۔
