تل ابیب (رپورٹنگ آن لائن)اسرائیلی چیف آف سٹاف ایال زامیر نے سرکردہ تخریب کاروں کی ہلاکت کا اعلان کیا اور کہا ہے کہ ضرورت پڑنے پر ہم جارحانہ کارروائی کے لیے تیار ہیں۔
جنوبی غزہ کی پٹی کے علاقے رفح میں فیلڈ دورے کے دوران ایال زامیر نے کہا کہ ہم دفاع سے حملے کی طرف منتقل ہونے کے لیے تیار ہیں اور ہم کسی بھی خلاف ورزی کا جواب دیں گے۔ ہم نے حال ہی میں کئی تخریب کاروں کو ختم کیا ہے جن میں اہم رہنما بھی شامل ہیں۔ایال زامیر نے اپنی بات جاری رکھتے ہوئے کہا کہ ہم غزہ کی پٹی کو مکمل طور پر غیر مسلح کرنے اور حماس کے ہتھیار ختم کرنے کے جنگی ہدف پر کوئی سمجھوتہ نہیں کریں گے،
ہمارے پاس فوجی فیصلے کے منصوبے موجود ہیں اور جب بھی ضرورت پڑی ہم جارحانہ کارروائی کے لیے تیار ہیں۔ انہوں نے زور دے کر کہا کہ جو غزہ پر لاگو ہوتا ہے وہی باقی علاقوں پر بھی لاگو ہوتا ہے۔
