اسلام آباد(رپورٹنگ آن لائن)پیپلزپارٹی کی رہنما شیری رحمان نے کہا ہے کہ حکومت نے ہمارے ساتھ ستائیس ویں آئینی ترمیم کا مسودہ شیئر کیا تو بلاول بھٹو نے کہا تھا کہ وہ اسے عوام اور پارٹی کے سامنے لے کر جائیں گے۔
ایک انٹرویومیں شیری رحمان نے کہا کہ پارٹی این ایف سی کے حوالے سے سینٹرل ایگریکٹو کمیٹی کے اجلاس کے بعد مؤقف دے گی تاہم صوبوں کے حقوق پر کوئی یکطرفہ کلہاڑی نہیں مار سکتا۔
شیری رحمان نے کہا کہ صوبائی خود مختاری پر ہم بالکل واضح ہیں، حکومت ہماری پوزیشن سمجھتی ہے اور اسے دیکھنا پڑے گا کہ ہماری علیحدہ سیاسی شناخت ہے۔شیری رحمان نے کہا کہ پی ٹی آئی کو اپنا مؤقف خود طے کرنا ہوگا، وہ صبح ہاں کرتے ہیں اور شام کو ناں کرتے ہیں، انہیں چاہیے کہ کمیٹیوں میں آکر تعمیری کام کریں۔
