اسلام آباد (رپورٹنگ آن لائن)صدر مملکت آصف علی زرداری نے بلوچستان میں مسافروں کے سفاکانہ قتل کی شدید مذمت کرتے ہوئے کہاہے کہ دہشتگردوں نے بس سے اتار کر معصوم شہریوں کو بے دردی سے قتل کیا ۔
اپنے بیان میں انہوںنے کہاکہ یہ بربریت فتنة الہندْوستان کی پاکستان میں خونریزی کی گھناؤنی سازش ہے ۔ انہوںنے کہاکہ فتنةالہندْوستان پاکستان میں انتشار اور بد امنی پھیلانا چاہتا ہے ۔ انہوںنے کہاکہ ہم اپنی سرزمین کو فتنہ الہندْوستان اور اس کے سہولت کاروں سے ہر صورت پاک کریں گے ۔
انہوںنے کہاکہ دہشتگردی کے مکمل خاتمے تک ہماری جدوجہد جاری رہے گی ۔ انہوںنے کہاکہ ہم لواحقین کے غم میں برابر کے شریک ہیں اوران کے اہل خانہ سے دلی ہمدردی اور تعزیت کا اظہار کرتے ہیں ۔
