اسلام آباد (رپورٹنگ آن لائن)صدر مملکت ڈاکٹر عارف علوی نے ہرنائی میں ہیلی کاپٹر حادثے پر اظہارِ افسوس کرتے ہوئے شہداء کو خراج عقیدت پیش کیا ہے ۔ اپنے بیان میں صدر مملکت نے شہداء کے لواحقین سے اظہارِ ہمدردی ، شہداء کیلئے بلندی درجات کی دعا کی ۔
صدر مملکت نے میجر منیب ، میجر خرم شہزاد ، صوبیدار واحد ، نائیک جلیل ، سپاہی عمران اور سپاہی شعیب کی شہادت پر گہرے رنج و غم کا اظہار کیا ہے ۔صدر مملکت نے شہداء کو وطن کی خاطر جام شہادت نوش کرنے پر خراج ِ عقیدت پیش کیا ہے ۔
