لاہور ( رپورٹنگ آن لائن)پاکستان پیپلز پارٹی وسطی پنجاب کے جنرل سیکرٹری سید حسن مرتضیٰ نے کہا ہے کہ اہلیان عمر کوٹ نے ایک بار پر تیر کو نشانے پر لگایا ہے،این اے 213میں صبا تالپور کی شاندار کامیابی نے مخالفین کے دانت کھٹے کر دئیے۔
انہوں نے کہا کہ صبا تالپور کی جیت جمہوریت اور اس پر یقین رکھنے والوں کی معراج ہے، جیالے حیدر آباد میں چیئرمین بلاول بھٹو کی قیادت میں جشن منائیں گے۔حسن مرتضی نے کہا کہ سندھ کے ووٹرز نے ایک مرتبہ پھر پیپلز پارٹی کو سیاسی پزیرائی دی ہے۔
