اسلام آباد(رپورٹنگ آن لائن)قومی احتساب بیورو (نیب)نے قائد حزب اختلاف اور مسلم لیگ( ن) کے صدر شہباز شریف کی جانب سے جلاوطنی کے دوران لندن میں خریدے گئے فلیٹس کی تفصیلات جاری کر دیں۔نیب کی جانب سے جاری کردہ دستاویز کے مطابق شہباز شریف نے جلا وطنی کے دوران برطانیہ میں 13 لاکھ 31 ہزار 7 پانڈز میں 4 فلیٹس خریدے اور انہوں نے کاروباری شخصیت، بارکلے بینک، بھتیجی عاصمہ ڈار سمیت دیگر سے قرض لیا۔دستاویزات کے مطابق لندن میں فلیٹ2005میں 2لاکھ 35ہزار پاونڈ میں خریدا گیا، فلیٹ کےلئے 75ہزار پاﺅنڈ کاروباری شخصیت اور ایک لاکھ 60ہزار بارکلے بینک سے قرض لیا گیا۔
دستاویز کے مطابق 2007میں دوسرا فلیٹ لندن میں ایک لاکھ 60ہزار پانڈ میں خریدا گیا، فلیٹ کے لیے 16ہزار 75پاونڈ کاروباری شخصیت اور ایک لاکھ 43ہزار پاونڈ بارکلے بینک سے قرض لیا گیا۔نیب دستاویزات میں کہا گیا ہے کہ 2007میں تیسرا فلیٹ 6لاکھ 50ہزار پاونڈ میں خریدا گیا جس کے لیے کاروباری شخصیت سے 40ہزار پاونڈ اور بارکلے بینک سے 5 لاکھ 47 ہزار 114 پاونڈ قرض لیا گیا۔شہباز شریف نے جلاوطنی کے دوران 2009میں لندن میں چوتھا فلیٹ 2لاکھ 86ہزارپاونڈ میں خریدا جس کے لیے کے لیے کاروباری شخصیت نے 2لاکھ 30ہزار 607پانڈ قرض دیا۔
