شہباز شریف اور حمزہ شہباز کو رہا نہ کرنا قابل شرم حرکت ہے،مریم اورنگزیب

لاہور (رپورٹنگ آن لائن) مسلم لیگ (ن) کی ترجمان مریم اورنگزیب نے شہباز شریف اور حمزہ شہباز کی عدم رہائی کی مذمت کرتے ہوئے کہا ہے کہ حکومت غم کے اس موقع پر بھی سیاست کر کے اپنی کم ظرفی کا نیا ریکارڈ قائم کرچکی ہے۔

مریم اورنگزیب نے اپنے ٹویٹ میں کہا کہ انتہائی افسوسناک اور قابل شرم حرکت ہے کہ شہباز شریف اور حمزہ شہباز کو اب تک رہا نہیں کیا گیا، ایک عمومی قانونی کارروائی کو دانستہ پیچیدگیوں اور سست روی کا شکار کیا گیا ہے، شہباز شریف اور حمزہ شہباز کی رہائی کو مرحومہ کے جسد خاکی کے پہنچنے سے جوڑنا بے حسی اور چھوٹے پن کی انتہا ہے۔