اسلام آباد( رپورٹنگ آن لائن) وفاقی وزیر برائے اطلاعات ونشریات فواد چوہدری نے کہا ہے کہ شہبازشریف پر الزام ہے کہ انھوں نے 25ارب روپیہ جعلسازی سے پاکستان سے باہر بھیجا،یہ رقم وہ ہے جو پتہ چل گئی اصل رقوم اس سے بہت زیادہ ہو سکتی ہیں ۔
اتوار کو سماجی رابطے کی ویب سائٹ ٹویٹر پر اپنے ایک بیان میں فواد چوہدری نے کہا کہ شہبازشریف پر الزام ہے کہ انھوں نے 25ارب روپیہ جعلسازی سے پاکستان سے باہر بھیجایہ رقم وہ ہے جو پتہ چل گئی اصل رقوم اس سے بہت زیادہ ہو سکتی ہیں ، ایف آئی اے کی تفتیشی ٹیم کوکسی سوال کا جواب دینے کو تیارنہیں کہتے ہیں بچوں کو پتہ ہو گا بچے مفرور کرا دئیے ان کا جیل سے باہر ہونا مذاق نہیں توکیا ہے۔
