پیانگ یانگ(رپورٹنگ آن لائن)شمالی کوریا نے بیلسٹک میزائل کا تجربہ کیا ہے۔ غیرملکی خبررساں ادار کے مطابق جنوبی کوریا کی فوج نے ہفتہ کوجاری کئے گئے ایک بیان میں کہاکہ شمالی کوریا نے مشرقی ساحل سے سمندر کی طرف طویل فاصلے تک مار کرنے والا بیلسٹک میزائل فائر کیا ،جنوبی کوریا کی فوج کا کہنا تھا کہ شمالی کوریا نے دارالحکومت پیانگ یانگ کے ایئرپورٹ کے قریب موجود سائٹ سے میزائل فائر کیا۔
ادھر جاپان نے بھی شمالی کوریا کے میزائل تجربے کو رپورٹ کیا ،شمالی کوریا نے گزشتہ روز مستقبل قریب میں ہونے والی امریکا اور جنوبی کوریا کی سالانہ فوجی مشقوں پر سخت ردعمل کی وارننگ دی تھی۔ شمالی کوریا کا رواں سال میں یہ پہلا میزائل تجربہ ہے۔جاپانی حکام کا کہناتھا کہ یہ میزائل لانچ کیے جانے کے ایک گھنٹے سے زیادہ عرصے بعد جاپان کے خصوصی اقتصادی زون کے اندر سمندر میں گرا، جس سے اندازہ ہوتا ہے کہ یہ میزائل شمالی کوریا کے سب سے بڑے میزائلوں میں سے ایک تھا۔
