اسلام آباد (رپورٹنگ آن لائن) پاکستان پیپلز پارٹی کے رہنما سابق وزیرِداخلہ سینیٹر رحمان ملک نے بلوچستان میں سیکیورٹی فورسز پر دھشتگردانہ حملے کی شدید مذمت کرتے ہوئے کہا ہے کہ مادر وطن کے دفاع کے لیے شہدا کی عظیم قربانیاں رائیگاں نہیں جائیں گی۔
اپنے بیان میں رحمن ملک نے کہاکہ کیپٹن کاشف کی شہادت پر دکھ و افسوس ہوا ہے، اللہ تعالیٰ شہید کیپٹن کاشف کی درجات بلند اور لواحقین کو صبر و جمیل عطا فرمائے، مادر وطن کے دفاع کے لیے شہدا کی عظیم قربانیاں رائیگاں نہیں جائیں گی۔ انہوںنے کہاکہ پاکستان دشمن عناصر بلوچستان کی امن، ترقی اور خوشحالی کے عمل کو سبوتاژکرنا چاہتے ہیں، ملک دشمن عناصر اپنے مذموم مقاصد میں کبھی کامیاب نہیں ہونگے۔
