اسلام آباد(رپورٹنگ آن لائن)وزیر اعظم کے مشیر برائے سیاسی امور رانا ثناء اللہ نے کہاہے کہ سیاسی بنیاد پر کسی جماعت پر پابندی کی قانون آئین و اجازت نہیں دیتا۔
نجی ٹی وی سے گفتگوکرتے ہوئے راناثناء اللہ نے کہاکہ جن افراد پر مقدمات درج ہیں وہ عدالت میں ان کا سامنا کریں۔انہوںنے کہاکہ جو بات 2021ء میں درست تھی وہی ریفرنس اس حکومت نے دائر کیا ہے، یہی چیزیں جب 2021ء میں ہوئیں تو اس وقت حکومت نے پابندی لگائی۔
مشیروزیراعظم نے کہاکہ وزیر اعلیٰ کے پی گھومتے پھرتے آئے تو دیر ہو گئی اس لیے بانی پی ٹی آئی سے ملاقات نہ ہو سکی، وزیر اعلیٰ کے پی وقت پر جائیں تو ملاقات ہو جائے گی۔
