اسلام آباد (رپورٹنگ آن لائن)وزیر مملکت اور پیپلز پارٹی کے ترجمان فیصل کریم کنڈی نے کہا ہے کہ پاکستان میں سیاسی استحکام کیلئے مقررہ وقت پر انتخابات کا انعقاد ضروری ہے،
کراچی کے عوام نے بلدیاتی انتخابات میں پیپلز پارٹی کو بھرپور مینڈیٹ دیا،بینظیر انکم سپورٹ پروگرام (بی آئی ایس پی) کے تحت 90 لاکھ غریب اور مستحق افراد مستفید ہو رہے ہیں،پاکستان بھر سے بی آئی ایس پی کی رقوم سے متعلق شکایات موصول ہوئی ہیں،بی آئی ایس پی کے ذریعے مستحق افراد کو رقوم کے حصول میں مشکلات پر تحقیقات جاری ہیں،پیپلزپارٹی انتخابات کے لئے تیار ہیں۔ میڈیا سے گفتگو کرتے ہوئے انہوںنے کہاکہ پورے پاکستان میں پچیس فیصد اضافے کے ساتھ بے نظیر اِنکم سپورٹ پروگرام کی قسط کا آغاز ہوا ہے،ڈائنامک سروے میں اکیس لاکھ لوگوں نے رجسٹر کروایا ہے ،ڈائنامک سروے میں شکایات موصو ل ہوئی ہیں کہ پیسے نہیں ملے ،سیکرٹری بے نظیر اِنکم سپورٹ پروگرام کو پیسے نہ ملنے کے معاملے کی انکوائری کی ہدایت کی ہے ۔
ینہوںنے کہاکہ یونان میں کشتی حاڈثے میں سو سے زیادہ پاکستانی فوت ہوئے ہیں ،پیپلزپارٹی ان کے غم میں برابر کی شریک ہے ۔انہوںنے کہاکہ پیپلزپارٹی غیر قانونی بھجوانے والوں کے خلاف سخت کاروائی کی قانون سازی بھی لانا چاہتی ہے ،ہم نے اپنی الیکشن مہم کا آغاز کیا ہے ۔ انہوںنے کہاکہ اکتوبر میں الیکشن ہوں تمام اتحادیوں کو کہا ہے کہ ہمیں الیکشن میں جانا چاہیے ،پیپلزپارٹی انتخابات کے لئے تیار ہیں۔انہوںنے کہاکہ کراچی کی عوام نے مئیر کا جو مینڈیٹ دیا ہے اس پر پورا اترنے کی کوشش کریں گے ،پوری کوشش ہے الیکشن میں زیادہ اے زیادہ سیٹیں لے کر آئیں ۔
انہوںنے کہاکہ پرسو ںپیپلزپارٹی کے وفد نے وزیراعظم سے ملاقات کر کے بجٹ پر تحفظات پیش کئے ،ہم چاہتے ہیں سیلاب متاثرین کو اپنے گھروں میں آباد کریں ۔ انہوںنے کہاکہ فاٹا اور پاٹا کو ٹیکس رعایت دی ،تنخواہیں اور پینشن بڑھانا خوش آئند ہے ،گھر میں اختلافات ہوتے ہیں۔ندیم افضل چن نے کہاکہ سیاسی اتحاد ہوتے ہیں ،چیئرمین پیپلزپارٹی کی تقریر کے بعد طوفان برپا ہوا اس کی مذمت کرتے ہیں ،ہم الیکشن چاہتے ہیں اسلامی جمہوری اتحاد والا الیکشن نہیں چاہتے ،ہم ایسا الیکشن بھی نہیں چاہتے جو نوے کی دہائی جیسا ہو ،ہمارے نظریاتی اور جمہوری اختلافات ہیں ،ہم جمہوری انداز میں جواب دینا چاہیں گے ۔انہوںنے کہاکہ ہم سیلاب متاثرین کے لئے بات کریں آگے سے ناعاقبت اندیش بات کریں ہم بھی بات کرنا جانتے ہیں ،پنجاب میں جو کام ہو رہے ہیں پری پول دھاندلی ہورہی ہے ،پنجاب میں پیپلزپارٹی بھی وکٹم ہیں۔ فیصل کریم کنڈی نے کہاکہ سندھ ، خیبر پختونخوا اور بلوچستان کے بھی تحفظات ہیں ،
خیبر پختونخوا میں تمام ایم پی ایز کو فنڈز دیئے گئے سوائے پیپلزپارٹی کے ۔ ایک سوال پر انہوںنے کہاکہ مسلم لیگ (ن )نے فیصلہ کرنا ہے کہ نواز شریف کب آئیں گے ،الیکشن بروقت ہونے چاہئیں ۔ ندیم افضل چن نے کہاکہ لاہور میں پیپلزپارٹی کا جھنڈہ لہراتا ہے تو بہت سے لوگ خوش نہیں ہوتے ،بلاول بھٹو اور زرداری صاحب لاہور میں بیٹھتے ہیں تو بہت سے لوگوں کو مروڑ اٹھتے ہیں ،تخت لاہور کی جنگ ہے اور ہم بھی دعویدار ہیں ،اتحاد کی باتیں پارٹی کے اندر کی چیزیں زیر بحث آتی ہیں انہیں پردے میں رہنے دیں ۔فیصل کریم کنڈی نے کہاکہ ہمارے خلاف ہمیشہ ٹھپے لگائے جاتے رہے ہیں ،اگر کسی کے پاس ثبوت ہیں کہ ہم نے ٹھپے لگائے ہیں ہم دوبارہ الیکشن لڑنے کے لئے تیار ہیں ۔
انہوںنے کہاکہ جماعت اسلامی والے کہہ رہے ہیں کہ ہمیں نمبر ون بنا دیں تو جمہوریت میں نہیں ہوتا ،آپ آمریت کے دور میں نمبر بنتے رہے ہیں ،کبھی جمہوریت میں نمبر ون نہیں رہے اور نہ رہیں گے ۔ندیم افضل چن نے کہاکہ یونان میں حادثے میں آٹھ دس لوگوں کے فون آئے ہیں ،ہر گائوں میں ایجنٹ بیٹھے ہیں ایف آئی اے کو علم ہے ،ہم نے نوجوانوں کو مواقع دینے ہیں ،نوجوانوں کو روز گار دینا ہے۔
