اسلام آباد(رپورٹنگ آن لائن)صدر آصف علی زرداری نے کہا ہے کہ سکھ برادری وطن عزیز کی ترقی و خوشحالی میں نمایاں کردار ادا کر رہی ہے، پاکستان کا آئین اقلیتوں کو مکمل مذہبی آزادی، مساوی حقوق اور تحفظ فراہم کرتا ہے۔
صدر مملکت نے بیساکھی کے تہوار کے موقع پر اپنے پیغام میں پاکستان اور دنیا بھر میں مقیم سکھ برادری کو اس مسرت موقع پر دلی مبارکباد پیش کرتے ہوئے کہا کہ بیساکھی پاکستان کی خوبصورتی اس کی ثقافتی اور مذہبی تنوع کی علامت ہے۔
آصف علی زرداری نے کہاکہ سکھ برادری وطن عزیز کی ترقی و خوشحالی میں نمایاں کردار ادا کر رہی ہے، بین المذاہب ہم آہنگی، رواداری اور پرامن بقائے باہمی کے اصولوں پر قائم رہنے کیلئے پرعزم ہیں۔ صدر نے کہا کہ میں سکھ برادری کی خوشیوں، ترقی اور سلامتی کیلئے دعاگو ہوں۔
