اسلام آباد(رپورٹنگ آن لائن)سپریم کورٹ میں 26ویں آئینی ترمیم کیخلاف درخواستیں 27 جنوری کو سماعت کیلئے مقرر کردی گئی ہیں۔
جسٹس امین الدین خان کی سربراہی میں 7 رکنی لارجر بینچ درخواستوں پر سماعت کریگا،رجسٹرار آفس سپریم کورٹ نے 27 جنوری کی سماعت کے نوٹسز جاری کر دئیے۔
26ویں آئینی ترمیم کو تحریک انصاف، بار ایسوسی ایشن ،بارکونسل نے چیلنج کیا تھا،26ویں آئینی ترمیم کیخلاف انفرادی حیثیت میں بھی درخواستیں دائر کی گئی تھیں۔26 ویں آئینی ترمیم کیخلاف تمام درخواستوں پر یکجا سماعت کی جائے گی۔
