کراچی(رپورٹنگ آن لائن) عالمی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخ تاریخ کی بلند ترین سطح پر پہنچ گئے۔
بین الاقوامی مارکیٹ میں فی اونس سونے کی قیمت 34 ڈالر اضافے کیساتھ 3719 ڈالر ہوگئی جبکہ پاکستان میں فی تولہ سونے کی قیمت میں 3400 روپے اور دس گرام سونے کی قیمت میں 2915 روپے کا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 3 لاکھ 93 ہزار 700 روپے اور دس گرام سونے کی قیمت 3 لاکھ 37 ہزار 534 روپے کی بلند ترین سطح پر پہنچ گئی۔
