کراچی (پورٹنگ آن لائن)سندھ ہائی کورٹ میں شناختی کارڈ کا اجراء نہ کرنے کے خلاف خاتون کی درخواست پر نادرا اپنا جواب جمع کرادیا ، عدالت نے نادرا کے جواب کی نقول درخواستگزار کو فراہم کرنے کی ہدایت کردی۔
سندھ ہائیکورٹ میں بروہی گوٹھ کی رہائشی خاتون شاہدہ کے شناختی کارڈ کا اجرا نہ کرنے کیخلاف درخواست کی سماعت ہوئی۔ نادرا نے درخواست پر جواب عدالت میں جمع کروایا دیا ۔ جواب میں کہا گیا کہ درخواستگزار خاتون نے نا مکمل کاغذات فراہم کیئے ہیں۔ درخواستگزار نے جو پتہ دیا وہاں پر موجود بھی نہیں تھی۔
جو نمبر دیا گیا وہ بھی موجود نہیں تھا۔ درخواستگزار کے وکیل عثمان فاروق ایڈوکیٹ نے موقف دیا کہ کے شوہر اور بیٹوں کے شناختی کارڈ بنے ہوئے ہیں۔ نادرا حکام درخواستگزار خاتون کا کارڈ جاری نہیں کر رہے۔ عدالت نے نادرا کے جواب کی نقول درخواستگزار کو فراہم کرنے کی ہدایت کردی۔
