کراچی(رپورٹنگ آن لائن)سندھ کے سینئر وزیر شرجیل انعام میمن نے سرحدوں پر افغانستان کی جارحیت کی مذمت کرتے ہوئے پاک افواج کو زبردست خراجِ تحسین پیش کیاہے۔
اتوارکو جاری اپنے بیان میں شرجیل انعام میمن نے کہاکہ پاک فوج نے دشمن کو جس جرات، مہارت اور عزم کے ساتھ جواب دیا ہے، وہ پوری قوم کے لیے فخر کا باعث ہے۔پاکستان کی سرحدوں پر حملہ دراصل ہمارے قومی وقار اور خودمختاری پر حملہ ہے۔انہوں نے کہاکہ بنیان مرصوص اس بات کی گواہی ہے کہ پاکستان کسی بھی جارحیت کا جواب بھرپور طاقت سے دینا جانتا ہے۔شرجیل انعام میمن نے کہاکہ وطن کے سپاہی ہماری شان، فخر اور سلامتی کی ضمانت ہیں.
ان کے حوصلے بلند ہیں، پوری قوم ان کے ساتھ ایک چٹان کی طرح کھڑی ہے۔سینئروزیرنے کہاکہ پاکستان امن کا خواہاں ہے مگر امن کی خواہش کو کمزوری نہ سمجھا جائے۔اگر کسی نے پاکستان کی سالمیت یا شہریوں کے تحفظ کو چیلنج کیا تو اسے منہ توڑ جواب دیا جائے گا۔پاکستان نے ہمیشہ خیرسگالی اور برادرانہ تعلقات کی حمایت کی ہے، مگر قومی سلامتی پر کوئی سمجھوتہ نہیں کیا جا سکتاـ
