کراچی(رپورٹنگ آن لائن)پاکستان تحریک انصاف کے رہنما خرم شیر زمان نے کہاہے کہ 30 گھنٹے بعد پتا چلا جس سیٹ پر میں جیت رہا تھا وہاں پیپلز پارٹی کا امیدوار جیت گیا۔
ویڈیو بیان میں خرم شیر زمان نے کہا کہ 70 سے 72 ہزار ووٹوں کی لیڈ سے میں یہ سیٹ جیت رہا تھا، دوسرے نمبر پر جماعت اسلامی، تیسرے پر ایم کیو ایم اور چوتھے پر پیپلز پارٹی تھی۔
انہوں نے کہا کہ 2018 میں پی ٹی آئی نے کراچی سے 14 نشستیں جیتی تھیں، آج تحریک انصاف سے کراچی کی تمام سیٹیں چھین لی گئی ہیں۔پی ٹی آئی رہنما نے کہاکہ سندھ میں ایم کیو ایم اور پیپلز پارٹی کو نشستیں تحفے میں دی گئی ہیں۔
