منامہ(رپورٹنگ آن لائن)سعودی ولی عہد و وزیراعظم شہزادہ محمد بن سلمان سے اطالوی وزیر اعظم جارجیا میلونی نے بحرین کے دارالحکومت منامہ میں ملاقات کی ،جس میں دونوں ممالک کے درمیان مشترکہ تعاون کے پہلوئوں اور اسے کئی شعبوں میں فروغ دینے کے طریقوں پر تبادلہ خیال کیا گیا۔
اردو نیوز کے مطابق یہ ملاقات جی سی سی کی سپریم کونسل کے 46 ویں اجلاس کے موقع پر ہوئی ،ملاقات میں حالیہ علاقائی اور بین الاقوامی صورتحال اور اس حوالے سے کی جانے والی کوششوں کا بھی جائزہ لیا گیا۔
اس موقع پر سعودی وزیرتوانائی شہزادہ عبدالعزیز بن سلمان، وزیر دفاع شہزادہ خالد بن سلمان، وزیر خارجہ شہزادہ فیصل بن فرحان، وزیر مملکت، کابینہ کے رکن اور قومی سلامتی کے مشیر ڈاکٹر مساعد بن محمد العیبان اور وزیر سرمایہ کاری انجینئر خالد الفالح بھی موجود تھے۔
