جدہ (رپورٹنگ آن لائن )سعودی عرب کے شہر جدہ میں سوڈان کے متحارب فریقین کے درمیان مذاکرات ہو رے ہیں۔میڈیارپورٹس کے مطابق سعودی مندوب نے بتایاکہ متحارب فریقین کے نمائندوں کے درمیان مذاکرات دوبارہ شروع ہوں گے اور وہ جدہ میں رہیں گے۔
سعودی مندوب کا کہنا تھا کہ مذاکرات میں جدہ اعلامیہ پر عمل درآمد کے طریقہ کار پر بات چیت ہوگی، مذاکرات میں سوڈان میں انسانی امداد کی فراہمی اور محفوظ راستے پر توجہ مرکوز رہے گی۔سعودی مندوب نے کہا کہ مذاکرات میں شہری علاقوں سے فوجیوں کے انخلا پر بھی بات چیت ہوگی۔انہوں نے کہا کہ جدہ میں 19 مئی کو ہونے والے عرب لیگ اجلاس میں سوڈانی جنرل البرہان کو مدعو کیا ہے۔
