سرکاری یونیورسٹیوں میں کامیاب جوان مراکز قائم کر رہے ہیں، عثمان ڈار

اسلام آباد(رپورٹنگ آن لائن ) سربراہ کامیاب جوان پروگرام عثمان ڈار نے کہا ہے کہ سرکاری یونیورسٹیوں میں کامیاب جوان مراکز قائم کر رہے ہیں ، اس سے 20 لاکھ نوجوان مستفید ہوں گے ،کامیاب جوان لون اسکیم کے تحت30 ارب قرض کی منظوری دی جاچکی ہے اور کاروبار کے خواہشمند نوجوانوں میں23.5 ارب کا قرض تقسیم ہوچکا ہے۔

عثمان ڈار کا کہنا تھا کہ نوجوان آزادکشمیر،جی بی میں کامیاب جوان پروگرام سے مستفیدہورہے ہیں، ہنر مند پاکستان پروگرام کا ہدف1 لاکھ 70 ہزار نوجوانوں کو ہنر مند بنانا ہے۔

انھوں نے مزید کہا کہ غیر نصابی اور کھیلوں کی سرگرمیوں کیلئے4 ارب کے منصوبوں کا آغاز کر چکے ہیں، سرکاری یونیورسٹیوں میں کامیاب جوان مراکز قائم کر رہے ہیں، کامیاب جوان مراکز سے20لاکھ نوجوان مستفید ہوں گے، کامیاب جوان انوویشن لیگ کے تحت 500اسٹارٹ اپس کاقیام عمل میں لایاجارہا ہے۔