اسلام آباد (رپورٹنگ آن لائن)سپیکر قومی اسمبلی سردار ایاز صادق نے راجہ فیصل ممتاز راٹھور کو آزاد جموں و کشمیر کے وزیراعظم کے عہدے کا حلف اٹھانے پر مبارکباددیتے ہوئے نیک خواہشات کا اظہار کیا ہے۔
منگل کو اپنے تہنیتی پیغام میں انہوں نے کہا کہ راجہ فیصل ممتاز راٹھور کا انتخاب آزاد جموں کشمیر کی عوام کے لئے نیک شگون ثابت ہوگا۔ انہوں نے کہا کہ فیصل ممتاز راٹھور ایک منجھے ہوئے اور مدبر سیاستدان ہیں، ان کی قیادت میں ریاست آزاد جموں کشمیر میں ترقی و خوشحالی کے نئے دور کا آغاز ہوگا۔ سپیکر قومی اسمبلی نے کہا کہ نو منتخب وزیراعظم فیصل ممتاز راٹھور کی قیادت میں آزاد جموں کشمیر میں مثبت تبدیلی آئے گی۔
انہوں نے آزاد جموں کشمیر کے عوام کے روشن مستقبل کے لئے نیک تمناؤں کا بھی اظہار کیا۔ سپیکر سردار ایاز صادق نے خطے میں معاشی ترقی، امن اور استحکام کے فروغ کے لئے دعا کی۔
