اسلام آباد( رپورٹنگ آن لائن)اسپیکر قومی اسمبلی سردار ایاز صادق نے سابق رکنِ قومی اسمبلی نوابزادہ مظہر علی کے انتقالِ پر گہرے دکھ اور افسوس کا اظہار کیا ہے۔
پیر کو اپنے تعزیتی پیغام میں انہوں نے نوابزادہ مظہر علی کی سیاسی وسماجی خدمات کو خراج تحسین پیش کیا اور کہا کہ نوابزادہ مظہر علی ایک وضع دار اور مخلص سیاست دان تھے انہوں نے ہمیشہ عوام کی خدمت کو ترجیح دی۔
اسپیکر سردار ایاز صادق کی مرحوم کے درجات کی بلندی اور لواحقین کے لیے صبرِ جمیل کی دعا کی۔اسپیکر قومی اسمبلی نے مرحوم کے اہلِ خانہ اور نوابزادہ خاندان سے دلی تعزیت اور ہمدردی کا اظہار کیا۔
