اسلام آباد (رپورٹنگ آن لائن)وزیر خارجہ شاہ محمود قریشی نے کہا ہے کہ سرحدی باڑ پر افغان طالبان کا موقف تبدیل کرانے کیلئے بات چیت جاری ہے‘ افغانستان کیلئے جوکر سکتے تھے کررہے ہیں‘ہم امن اور بہتری چاہتے ہیں‘بھارت نے اس فورم پر ہٹ دھرمی کا مظاہرہ کررہاہے ‘پاکستان سارک کی میزبانی کیلئے مکمل تیارہے‘بھارت پاکستان کو نیچادکھانے کیلئے ہٹ دھرمی پر اتراہواہے۔
منگل کو نجی ٹی وی سے خصوصی گفتگو کرتے ہوئے شاہ محمود قریشی نے کہا کہ سرحدی باڑ پر افغان طالبان کاموقف تبدیل کرانے کیلئے بات چیت جاری ہے، افغانستان کیلئے جوہم کر سکتے تھے کررہے ہیں،افغانستان میں ہم امن اور بہتری چاہتے ہیں۔انہوں نے کہا کہ مقبوضہ کشمیرمیں خون کی ہولی کھیلنے پرہمارے بھارت کےساتھ کوئی تعلق تو نہیں ہے،مودی کو اگر پاکستان میں آنے سے دقت ہے تونہ آئیں ویڈیو لنک سے اجلاس میں شرکت کرلیں، بھارت پاکستان کو نیچادکھانے کیلئے ہٹ دھرمی پر اتراہواہے۔
وزیر خارجہ نے کہا کہ پاکستان سارک فورم کو آگے لےکرچلناچاہتاہے،بھارت نے اس فورم پر ہٹ دھرمی کا مظاہرہ کررہاہے جب کہ پاکستان سارک کی میزبانی کیلئے مکمل تیارہے۔
