لاہور (رپورٹنگ آن لائن)مسلم لیگ (ن) کی ترجمان مریم اورنگزیب کا کہنا ہے کہ ساڑھے تین سال میں عمران خان نے ملک کو صرف مقروض کیا ہے‘پاکستان کی فی کس آمدن کم ہوگئی لیکن تین سال میں آپ کی آمدن 90فیصد بڑھ گئی ‘تین سال میں اور آپ کو تو سب کچھ نیا مل گیا لیکن عوام کو قرض،بھوک،بے روزگاری اور مہنگائی کے سوا کیا ملا ؟‘قرض لینے کا عمران صاحب کا تاریخی ریکارڈ پاکستان کےلئے خطرناک ہے۔
سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں مریم اورنگزیب نے لکھا کہ ساڑھے تین چار سال میں پاکستان سب سے زیادہ مقروض ہوگیا ہے، لیکن عمران خان کا بنی گالہ کا محل ریگولرائز ہوگیا۔مریم اورنگزیب نے لکھا کہ پاکستان کی فی کس آمدن کم ہوگئی لیکن تین سال میں آپ کی آمدن 90 %بڑھ گئی تین سال میں اور آپ کو تو سب کچھ نیا مل گیا لیکن عوام کو قرض،بھوک،بے روزگاری اور مہنگائی کے سوا کیا ملا ؟مسلم لیگ (ن) کی ترجمان نے کہا ہے کہ اپوزیشن میں قرض کے خلاف بولنے والے عمران صاحب نے حکومت میں آنے کے بعد پاکستان کی تاریخ میں سب سے زیادہ ملک کو مقروض کر دیا ہے۔جاری ٹوئٹ پیغام میں انہوں نے لکھا کہ ساڑھے تین سال میں صاحب نے ملک اور عوام کو صرف مقروض کیا ہے، قرض لینے کا عمران صاحب کا تاریخی ریکارڈ پاکستان کے لئے خطرناک ہے۔
مریم اورنگزیب کے مطابق عمران صاحب نے ہر پاکستانی بچے، بوڑھے، نوجوان، خواتین کو مقروض بنا دیا ہے، عمران صاحب کی وجہ سے 58 ہزار سے بڑھ کر آج ہر پاکستانی ایک لاکھ 79 ہزار روپے سے زیادہ کا مقروض ہو چکا ہے۔انہوں نے لکھا کہ عمران صاحب کے مسلط ہونے کے تین سال کے عرصے میں ہر پاکستانی پر واجب الادا قرض میں 50 فیصد اضافہ ہوگیا ہے۔مسلم لیگ (ن) کی ترجمان نے اپنے ٹوئٹ پیغام میں لکھا کہ عمران صاحب پر نظر رکھی جائے، آئی ایم ایف سے قرض لینے پر خودکشی ہی نہ کرلیں؟۔
مریم اورنگزیب نے لکھا کہ سوال یہ ہے کہ عمران صاحب نے قوم پر جو قرض لادا ہے، یہ کون ادا کرے گا؟ اس قومی جرم کی ادائیگی پاکستان کے نوجوان اور آنے والی نسلوں کو کرنی پڑے گی۔انہوں نے مزید لکھا کہ قرضہ لینے پہ خودکشی کرنے والے نے ہر پاکستانی پر واجب الادا قرض میں 50 فیصد اضافہ کر دیا ہے۔
