ڈھاکہ (رپورٹنگ آن لائن)سابق کپتان بنگلا دیش کرکٹ ٹیم تمیم اقبال کی صحت میں بہتری آ رہی ہے جس کی وجہ سے انہیں ہسپتال سیڈسچارج کر دیا گیا۔
گزشتہ دنوں تمیم اقبال کو ڈھاکا پریمیئر لیگ کے میچ کے دوران دل کا دورہ پڑا تھا جس کے بعد انہیں فوری طور پر گرانڈ سے قریبی ہسپتال پہنچایا گیا تھا۔تمیم اقبال کی ڈھاکا کے قریب ساور کے اسپتال میں انجیو پلاسٹی کی گئی تھی۔
پھر دو روز قبل طبیعت بہتر ہونے پر تمیم اقبال کو ڈھاکا سٹی کے ہسپتال میں منتقل کیا گیا تھا۔ تمیم اقبال کی صحت میں تیزی سے بہتری آ رہی تھی جس کے بعد سابق کپتان کو جمعہ کو ہسپتال سے ڈسچارج کر دیا گیا۔ڈاکٹروں نے امید ظاہر کی ہے تمیم اقبال جلد کرکٹ کھیلنا شروع کر دیں گے۔
