رپورٹنگ آن لائن۔
ملتان میں رہائشی اور کمرشل پراجیکٹس میں شہریوں کی دلچسپی کے مدِ نظر زمین ڈاٹ کام نے ملتان آفس میں پہلے گرینڈ اوپن ہاؤس کی شاندار تقریب کا انعقاد کیا ۔اوپن ہاؤس کی اس تقریب میں سرمایہ کاروں اور شہریوں کی بڑی تعداد نے شرکت کی۔
اوپن ہاؤس میں مجموعی طور پر 10 سے زائد تعمیراتی منصوبے عوام الناس کی دلچسپی کیلئے پیش کئے گئے۔ جن میں ڈاؤن ٹاؤن رومینزا، گالف ویو رومینزا، بلیوارڈ ہائٹس، این ون ٹاور،،ہائی لینڈ ولاز، ڈی اورین مال،اتحاد گارڈن، پلاٹینم ہومز، بزنس حب اور واربل مال سمیت زمین ڈویلپمنٹس کے منصوبے شامل تھے، ان تمام منصوبوں کے مارکیٹنگ اور سیلز کے حقوق صرف زمین ڈاٹ کام کوحاصل ہیں۔
اس موقع پر گفتگو کرتے ہوئے زمین ڈاٹ کام کے سینئر ڈائریکٹر سیلز سنٹرل شیخ شجاع اللہ خان نے ملتان میں منعقد ہونے والے پہلے اوپن ہاؤس کی شاندار کامیابی پر اہلیان ملتان کا شکریہ ادا کیا، ان کا کہنا تھا کہ زمین ڈاٹ کام کی ہمیشہ سے یہ کوشش رہی ہے کہ اپنے برانڈ پورٹ فولیو کو مْلک گیر بنایا جائے تاکہ مْلکی ریئل اسٹیٹ سیکٹر میں معیاری پراجیکٹس کا فروغ ہوسکے،اوپن ہاؤس ایونٹ کا انعقاد اسی سلسلے کی ایک کڑی ہے، جسے شہریوں نے اپنی بھرپور شرکت سے تاریخی کامیابی سے ہمکنار کیا ہے۔
زمین ڈاٹ کام کے ریجنل سیلز مینجر ملتان رانا فرخ ندیم نے کہا کہ زمین ڈاٹ کام اعلیٰ شہرت کی حامل ریئل اسٹیٹ کی مارکیٹنگ کمپنی ہے جو پْرتعیش اور جدید سہولیات سے آراستہ رہائشی اور کمرشل منصوبوں کو بہترین انداز میں مارکیٹ کرنے میں اپنا کلیدی کردار ادا کر رہی ہے۔وہ تمام پرا جیکٹس جن کی مارکیٹنگ اور سیلز کے حقوق صرف زمین ڈاٹ کام کے پاس موجود ہیں، وہ ۱۰۰ فیصد شفاف ہوتے ہیں اور کسی ایسے پراجیکٹ کو آن بورڈ نہیں کیا جاتا جس کی دستاویزات میں کسی بھی قسم کا کوئی شائبہ موجود ہوتا ہے۔
