رپورٹنگ آن لائن ایکسائز اینڈ ٹیکسیشن ڈیپارٹمنٹ راولپنڈی میں پراپرٹی ٹیکس چوری کی بڑی واردات میں متعدد بڑی رہائشی سکیموں اور سب اربز کے نام سامنے آگئے ہیں۔
زرائع کے مطابق پراپرٹی ٹیکس زون ایک میں تعینات ای ٹی او طاہر شہزاد اور ماتحت انسپکٹر افتخار بھٹی، اظہر محمود اور تنویر حسین و دیگر نے باہمی ملی بھگت سے مبینہ طور پر
کنگڈم ویلی ، صنوبر سٹی، الحرم سٹی، چکری روڈ ۔ یوسی 118،یونیورسٹی ٹاؤن، سی بی آر ٹاؤن فیز ٹو،گندھارا سٹی،خداداد سٹی،شالیمار ٹاون، سلور سٹی،ترنول ہاؤسنگ سکیم سمیت دیگر سکیموں کے نام شامل ہیں
جہاں پراپرٹی کے سینکڑوں یونٹ مبینہ طور پر دانستا” تشخیص کے بغیر اور کم تشخیص شدہ چھوڑ ے گیے ہیں۔ جس سے خزانے کو ریونیو کی مد میں سالانہ کروڑوں روپے کے نقصان کا سامنا ہے۔
علم میں آیا ہے کہ مزکورہ انسپکٹروں نے مبینہ طور پر اسسیز سے فی یونٹ بھاری رشوت کے عوض ٹیکس چوری کروائی ہے جس کو حتمی شکل ای ٹی او طاہر شہزاد نے دی۔اور ایماندارانہ شہرت رکھنے والے ڈایریکٹر ایکسائز راولپنڈی عمران اسلم کی آنکھوں میں دھول جھونکی جارہی ہے
یہ بھی علم میں آیا ہے کہ مزکورہ انسپکٹر ، ٹیکس چوری کی نشان دہی کرنے والی ڈایریکٹر جنرل ایکسائز اینڈ ٹیکسیشن پنجاب کی ٹیم کو مینج کرنے کی کوشش کرنے میں جتے ہیں۔
اس سلسلے میں گفتگو کے لیے ای ٹی او پراپرٹی ٹیکس زون ون راولپنڈی طاہر شہزاد سے رابط کیا گیا تو ان کا کہنا تھا کہ پہلے ہی کہ چکا ہوں کہ الزامات بے بنیاد ہیں۔وہ اور ان کے انسپکٹر ایمانداری اور فرض شناسی سے کام کرتے ہیں۔
