اسلام آباد (رپورٹنگ آن لائن)پنڈورا پیپرز پر تحقیقات کے معاملہ پر چیئرمین پبلک اکاؤنٹس کمیٹی رانا تنویر حسین نے پنڈورا پیپرز پر ایف بی آر سمیت متعلقہ اداروں کو طلب کرنے کا اعلان کرتے ہوئے کہاہے کہ پانامہ پر بھی ادروں کوطلب کیا،ہمارے پاس طلبی اور وارنٹ کے اختیارات ہیں۔پنڈورا پیپرز کا معاملہ پارلیمانی پبلک اکاونٹس کمیٹی میں پہنچ گیا ،چیئرمین کمیٹی رانا تنویر حسین نے ایف بی آر سمیت متعلقہ اداروں کو طلب کرلیا۔
پارلیمنٹ ہائوس میں میڈیا سے گفتگو کرتے ہوئے رانا تنویر حسین نے کہا کہ پنڈوراپیپرز پر حکومت نے ماضی کی طرح کمیشن بنایا، پہلے بھی ادویات،چینی اور گندم بحران پر کمیشن بنایاگیا تاہم کچھ نہیں بنا،ہم نے پانامہ پیپرز کی تحقیقات کیلئے بھی ایف بی آر سمیت متعلقہ اداروں کوبریفنگ کیلئے طلب کیا ہے۔رانا تنویر حسین نے کہاکہ حکومت نے تین سال میں جو گڑ بڑ کی ہے ،نیب آرڈیننس کے ذریعے خود این آراو دے دیااور احتساب سے بچنے کیلئے اپنے آپ کور کررہی ہے۔چیئرمین پبلک اکاونٹس کمیٹی رانا تنویر حسین نے کہاکہ ہم نے تین سال میں مختلف اداروں سے چارسو اسی روپے کی ریکوری کی ہے جو ایک ریکارڈ ہے۔
