پشاور(رپورٹنگ آن لائن ) خیبرپختونخواہ حکومت کے ترجمان کامران بنگش نے کہا ہے کہ رائٹ ٹو انفارمیشن ایکٹ بنیادی انسانی حقوق کا سنگ بنیاد ہے،خیبرپختونخوا معلومات تک رسائی دینے والی واحد صوبائی حکومت ہے۔
انہوں نے کہا کہ معلومات تک رسائی کا حق شفافیت اور بدعنوانی سے پاک معاشرے کی بنیاد فراہم کرتا ہے ، رائٹ ٹو انفارمیشن ایکٹ بنیادی انسانی حقوق کا سنگ بنیاد ہے۔ خیبرپختونخواہ حکومت کے ترجمان کامران بنگش نے کہا ہے کہ محکمہ اطلاعات خیبر پختونخوا 88فیصد کے ساتھ شفاف سرکاری ادارے کے طور پر سامنے آیا ، خیبرپختونخوا انفارمیشن کمیشن ازخود اطلاعات کی فراہمی میں 100فیصد کے ساتھ سرفہرست ہے۔
اس سے قبل خیبرپختونخواہ حکومت کے ترجمان کامران بنگش نے اپنے جاری کردہ بیان میں کہا تھا کہ پولیس میں اصلاحات سے متعلق سفارشات مرتب کر لی ہیں، یہ سفارشات پولیس کی ہائی کمان کے ساتھ شیئر کریں گے ہم فنڈز کی دستیابی اور خرچ کو یقینی بنارہے ہیں۔
خیبرپختونخواہ حکومت کے ترجمان کامران بنگش کا کہنا تھا کہ ہم خیبرپختونخواہ صوبے میں پہلی مرتبہ ریڈنگ پالیسی لارہے ہیں تاکہ کتب بینی میں اضافہ ہو، صوبہ بھر میں 38 کنٹونمنٹ بورڈ میں 20 سے زائد نشستوں پر پی ٹی آئی نے کامیابی حاصل کی ہیں، پی ٹی آئی صوبہ خیبرپختونخواہ کی مقبول ترین جماعت ہے۔ خیبرپختونخواہ حکومت کے ترجمان کامران بنگش نے کہا تھا کہ ہم منصوبہ بھر میں لائبریریز کی تعداد 18 سے بڑھا کر 35 کررہے ہیں، اور ہر تحصیل کی سطح پر لائبریریز بنارہے ہیں، ہم کتب بینی کے کلچر کو فروغ دینا چاہتے ہیں، ہم وزیراعلی محمود خان کی ہدایت کے مطابق صوبہ کی 18 لائبریریز میں یہ کارنرز بنائے جارہے ہیں۔
خیبرپختونخواہ حکومت کے ترجمان کامران بنگش کا کہنا تھا کہ ہم وزیراعظم عمران خان کو خراج تحسین پیش کرتے ہیں کہ اقوام متحدہ میں انہوں نے دلیرانہ تقریر کی ہے، وزیراعظم عمران خان نے کشمیر اور خطے کی صورتحال پر کھل کر بات چیت کی ہے، وزیراعظم عمران خان نے اپنی تقریر میں افغانستان میں امن کی اہمیت پر روشنی ڈالی ہے، وزیراعظم عمران خان نے دہشت گردی کے خلاف جنگ میں شہادتوں کا ذکر کیا ہے، دہشت گردی کی وجہ سے پاکستان کو اربوں روپے کا نقصان ہوا ہے۔ خیبرپختونخواہ حکومت کے ترجمان کامران بنگش نے کہا تھا کہ ماحولیات سے متعلق ایشوز پر وزیراعظم عمران خان نے کھل کر بات کی ہے، برطانیہ کے وزیراعظم نے عمران خان کے بلین ٹری سونامی کی تعریف کی ہے، عالمی سطح پر پاکستان کے کردار کو سراہا جارہا ہے۔
خیبرپختونخواہ حکومت کے ترجمان کامران بنگش کا مزید کہنا تھا کہ خیبرپختونخواہ صوبے میں تمام شعبہ جات میں ترقی کے منازل طے کررہے ہیں، ساڑھے 5 لاکھ کسان ،کسان کارڈ سے مستفید ہونگے،ہم زرعی ترقی پر توجہ دے رہے ہیں، صحت کارڈ،کسان کارڈ اور اس کے بعد تعلیم کارڈ کا اجرا کیا جارہا ہے،1500 سے زائد طلبا کو پہلی مرتبہ 1500 روپے ماہانہ وظیفہ ملے گا، ان طلبا کے تعلیمی اخراجات حکومت برداشت کرے گی۔
