اسلام آباد(رپورٹنگ آن لائن)وزیر داخلہ شیخ رشید احمد نے دہشتگردی، انتہا پسندی اور فرقہ واریت کے خاتمے کے لئے اقدامات کو مانیٹر کرنا شروع کردیا،تفصیلات کے مطابق نیشنل ایکشن پلان کے تحت ملک میں امن و امان کے قیام کے معاملے پر شیخ رشید کے نیشنل ایکشن پلان کے تحت مختلف صوبوں کے دورے کیے،
وفاقی وزیر داخلہ 2روزہ دورے پر کراچی روانہ ہو گئے جہاں پر نیشنل ایکشن پلان کے تحت فیصلوں پر عملدرآمد کا جائزہ لیں گے، وہ صوبے میں امن وامان کی مجموعی صورتحال کا بھی جائزہ لیں گے، رینجرز اوردیگر وفاقی محکمے کراچی سمیت سندھ بھر میں امن و امان پر بریفنگ دیں گے، نیشنل ایکشن پلان اور ڈیزاسٹر انفارمیشن سیل کے سیکریٹریت کے قیام کی منظوری رواں ہفتے دی گئی، وزیر داخلہ نے دہشتگردی، انتہا پسندی اور فرقہ واریت کے خاتمے کے لئے اقدامات کو مانیٹر کرنا شروع کر دیا۔
