لاہور( رپورٹنگ آن لائن) نامور اداکاراحسن خان نے کہا ہے کہ میں دھڑا دھڑ کام کرنے کا قائل نہیں ہوں بلکہ فلم ہو یا ٹی وی ضرور وقفہ لینا چاہیے ۔
ایک انٹر ویو میں احسن خان نے کہا کہ میں ہر کردار بڑا سوچ سمجھ کر قبول کرتا ہوں ، ہمیشہ یہ کوشش ہوتی ہے کہ میں جو کردارلے رہا ہوں کیا میں اس کے ساتھ انصاف کر پائوں گا ۔
میری کوشش ہوتی ہے کہ میرے اوپر کسی خاص کردار کی چھاپ نہ لگے بلکہ جو بھی کردار نبھائوں لوگ اسے پسند کریں ۔انہوں نے کہا کہ میں تعداد سے زیادہ معیار پر توجہ مرکوز رکھتا ہوں اس کے لئے چاہے مجھے کتنا ہی وقفہ کیوں نہ لینا پڑے ۔
