اسلام آباد(رپورٹنگ آن لائن)سپیکر قومی اسمبلی سردار ایاز صادق نے پاکستا نی بارڈر ز پر افغانستان کی بلا اشتعال جارحیت کی شدید مذمت کرتے ہوئے افواج پاکستان کی طرف سے افغان جارحیت کا منہ توڑ جواب دینے پر زبردست خراجِ تحسین پیش کیا ، پاکستان کی مسلح افواج کی موجودگی میں کوئی بھی دشمن پاکستان کی طرف میلی آنکھ سے دیکھنے کی جرات نہیں کر سکتا ۔
فیلڈ مارشل سید عاصم منیر کی قیادت میں پاک فوج کسی بھی جارحیت کا منہ توڑ جواب دینے کی بھرپور صلاحیت رکھتی ہے ،جاری بیان میں سپیکر نے کہاکہ شہری آبادی پر افغان فورسز کی فائرنگ عالمی قوانین اور انسانی حقوق کی کھلی خلاف ورزی ہے ، افغانستان کی اشتعال انگیزی خطے کے امن و استحکام کیلئے خطرہ ہے ، پوری قوم پاک فوج کے ساتھ سیسہ پلائی دیوار کی مانند کھڑی ہے .
کسی کو بھی پاکستان کی سالمیت اور خودمختاری پر حملے کی اجازت نہیں دی جائے گی ،سپیکر نے کہاکہ پاکستان کے صبر کو کمزوری نہ سمجھا جائے ، سرحدی خلاف ورزیاں ناقابلِ برداشت ہیں،علاقائی امن و ترقی کے لیے باہمی احترام اور سفارتی تعاون ضروری ہے ۔