کراچی(رپورٹنگ آن لائن) وزیر اطلاعات سندھ شرجیل انعام میمن نے کہا ہے کہ سندھ میں کسی کو قانون ہاتھ میں لینے کی اجازت نہیں دینگے، دو روز قبل حیدرآباد میں پیش آنے والا واقعہ پر جاری کردہ بیان میں انہوں نے کہا کہ واقعہ انتہائی افسوس ناک ہے، سندھ میں کسی کو قانون ہاتھ میں لینے کی اجازت نہیں دینگے،
انہوں نے کہا کہ اے این پی رہنما شاہی سید اور قومی عوامی تحریک سربراہ ایاز لطیف پلیجو سے رابطہ کر کے سندھ میں امن اور بھائی چارے کے قیام میں مثبت کردار ادا کرنے کی درخواست کی،صوبائی وزیر کا کہنا تھا کہ دونوں رہنماﺅں نے سندھ میں امن و بھائی چارے کی فضا کو قائم رکھنے کے لیے اپنے بھرپور کوششوں کی یقین دہانی کرائی،شرجیل انعام میمن نے کہا کہ افسوس ناک واقعات میں چند ملزمان کو گرفتار کیا گیا ہے، کوئی بھی شر پسند قانون ہاتھ میں لے گا تو ان کے خلاف سخت کارروائی کی جائے گی،
انہوں نے کہا کہ حیدرآباد واقعے میں قتل ہونے والے نوجوان کے ایک قاتل کو گرفتار کیا گیا ہے جبکہ کاروباری املاک کو نقصان پہنچانے والے نوجوانوں کو بھی گرفتار کیا گیا ہے،صوبائی وزیر اطلاعات کا کہنا تھا کہ سندھ صوفیا کرام اور امن پسندوں کی دھرتی ہے، سندھ کے پر امن ماحول کو ہر صورت میں برقرار رکھا جائے گا۔
