اسلام آباد(رپورٹنگ آن لائن)پاکستان تحریک انصاف کے رہنما فواد چوہدری نے کہا ہے کہ حکومت بدلنے کیلئے تحریک عدم اعتماد ایک بین الاقوامی سازش تھی۔
میڈیا سے بات چیت کرتے ہوئے سابق وفاقی وزیر فواد چوہدری نے کہا کہ حکومت بدلنے کیلئے عدم اعتماد ایک بیرونی سازش ہے، یہ ایک بد ترین سامراج کی پاکستان پر قبضے کی کوشش ہے، اگر سپریم کورٹ کے فیصلے پارلیمنٹ میں آ جائیں تو یہ بات غلط ہوگی، ملکی استحکام کا واحد حل الیکشن ہیں۔فواد چوہدری نے کہاکہ جہاں تک اسپیکر کی رولنگ کا تعلق ہے اس کے لیے آپ کو اسپیکر کے سامنے جو مواد تھا وہ دیکھنا ہوگا، سپریم کورٹ وہ مواد دیکھ لے، یہ تو نہیں ہوگا کہ جس مواد پر فیصلہ ہوا وہ مواد دیکھ لیں، ایک ان کیمرہ سماعت ہونی چاہیے۔
پی ٹی آئی رہنما نے کہا کہ حکومت بدلنے کیلئے یہ ایک بین الاقوامی سازش تھی، اگر حکومت تبدیلی کی یہ کوشش کامیاب ہوتی ہے تو اس کا مطلب ہے ہم قرارداد پاکستان والے دور میں چلے جائیں گے، عدلیہ اور پارلیمنٹ کو اپنی آئینی حدود میں آگے بڑھنا ہے، آج ڈالر اپنی حد کراس کرچکا ہے، پاکستان کی معیشت اس بحران کے نتیجے میں تباہی کے دھانے پر پہنچ چکی ہے، پاکستان کو استحکام کی ضرورت ہے جس کا واحد حل الیکشن ہے۔
