مکہ مکرمہ (رپورٹنگ آن لائن)حرمین شریفین میں سماجی فاصلے کی پابندی ختم ہونے کے بعد پوری گنجائش کے ساتھ نماز ادا کی گئی۔ نمازیوں کے لئے ماسک پہننے کولازمی قراردیا گیا ہے۔کورونا وبا کے باعث عائد پابندیوں کے خاتمے پرمسجد الحرام مسجد نبوی میں معمول کے مطابق پوری گنجائش کے ساتھ نماز ادا کی گئی۔
حرم شریف میں سیکڑوں نمازیوں نے صحن،دالان اورچھتوں پرنماز پڑھی۔نماز کی ادائیگی کے لئے ‘توکلنا’ اپلیکیشن پرویکسی نیشن کی خوراکیں مکمل ہونیکی شرط برقرار رہے گی۔دوسری جانب روضہ رسول پرحاضری کے لیے بذریعہ ایپلیکیشن اجازت نامہ حاصل کرنے کی شرط کو ضروری قرار دیا گیا ہے۔
