لاہور (رپورٹنگ آن لائن)پاکستان کرکٹ ٹیم کے مایہ ناز فاسٹ باولر حارث رئوف نے اپنے گھر ننھے مہمان کی آمد سے متعلق گردشی خبروں کی تردید کر دی ۔فوٹو اینڈ ویڈیو شیئرنگ پلیٹ فارم انسٹاگرام پر کھلاڑی نے اسٹوری شیئر کرتے ہوئے تردیدی پیغام جاری کیا ہے۔حارث رئوف نے اپنے بچے کی پیدائش سے متعلق سوشل میڈیا پر گردش ہونے والی خبروں کی تردید کرتے ہوئے جعلی خبروں کی روک تھام کی درخواست کی ہے۔
انہوں نے اپنے پیغام میں لکھا کہ میرے بچے کی پیدائش سے متعلق گردشی خبریں جھوٹی ہیں۔ براہِ مہربانی جعلی خبروں کو پھیلانے اور ان پر یقین کرنے سے گریز کریں۔
انہوں نے واضح کیا کہ ان کی ذاتی زندگی کے حوالے سے کوئی بھی خبر اگر غیر تصدیق شدہ اکانٹ سے چلے تو وہ تمام خبریں محض افواہ ہیں۔خیال رہے کہ سماجی رابطے کی ویب سائٹ ایکس پر کرکٹ سے متعلق خبریں دینے والے احتشام صدیقی کی ایک پوسٹ انسٹاگرام پر وائرل ہوئی تھی، جس میں حارث رف کے گھر ننھے مہمان کی آمد کی خبر دی گئی اس کے ساتھ ہی ننھے حارث رف کی تصویر بھی شیئر کی گئی جو سوشل میڈیا پر جنگل کی آگ کی طرح پھیل گئی تھی۔
واضح رہے کہ سوشل میڈیا پر حارث رف کے گھر بیٹے کی پیدائش سے متعلق خبریں گردش کر تے ہی ان کے مداحوں میں خوشی کی لہر دوڑ گئی تھی اور مبارک باد کا سلسلہ بھی شروع ہوگیا تھا۔یاد رہے کہ حارث رف اور ان کی دیرینہ دوست مزنا مسعود ملک دسمبر 2022 میں رشتہ ازدواج میں منسلک ہوگئے تھے جبکہ ان کی شادی کی تقریبات جولائی 2023 میں ہوئیں تھی۔
