لاہور(ر پورٹنگ آن لائن) فلمسٹارلیلیٰ نے کہا ہے کہ جو لوگ یہ کہتے ہیں کہ میرا کیرئیر ختم ہوگیاہے. وہ صرف حسد اوربغض میں
مبتلاہیں. ،وقفے کے بعد شوبز میں دوبارہ واپسی ہوئی ہے اور سازشیں کرنے والوں کو اپنے کام سے جواب دوں گی۔
ایک انٹرویو میں لیلیٰ نے کہا کہ یہاں پر لوگ اپنے کام سے کام رکھنے کی بجائے دوسروں کی سر گرمیوں پر نظر رکھنے
کا فریضہ زیادہ سر انجام دیتے ہیں جو انتہائی غیر اخلاقی حرکت ہے ۔ جو لوگ یہ کہتے پھرتے ہیں کہ میرا کیرئیر ختم ہو گیا ہے.
وہ صرف حسد اور بغض میں مبتلا ہیں اور ایسے لوگوں کیلئے میں صرف ہدایت کی دعا ہی کر سکتی ہوں۔
اداکارہ نے کہا کہ مستقبل میں انسانیت کی فلاح و بہبود کیلئے کام کرنے کی خواہش ہے.
اور میں اس کے لئے منصوبہ بندی بھی کرتی رہتی ہوں .
اور اس عزم کی تکمیل کے لئے اپنے ہم خیال لوگوں کوبھی ساتھ شریک کروں گی۔
